Comment from clients: Jojo

我係十二月尾結婚既, 上星期收到Kam Chan既album同DVD! 一睇完佢既ALBUM已非常鍾意! 佢竟然將一幅相分25份晒出黎, 然後再將o個25張相好似puzzle咁拼在一起, 然後再影一張! 另外, 又將我當日著過既衫放在同一幅相度! 每個睇完本album既朋友都讚攝影師有心思!

有責任心
點解咁講? 咁就要講返我初頭搵到Kam既情形啦! 我係住響外國, 十二月返hk補擺酒. 我好似十月先決定當日要請snap shot photographer. 響度搵左好多資料, 最後thr' email問晒後就決定搵 Kam Chan. 我用email問kam既落訂方法, 但佢竟自己提議見下面先! hehe... 呢d係唔係叫唔識做生意呢??? 咁我解釋我唔響hk, 要十二月頭先返, 但佢都堅持要通下電話先! 由於要就返時差, 所以我o個日要成夜晚十二點幾先打到比佢. 講好晒所以野後, 我就問佢點落訂, 聽完之後都比佢嚇親. 嘩... 落一百蚊訂咋喎, 我仲唔拿拿臨叫阿媽入錢咩! 阿媽都好驚訝, 乜有人會收咁少deposit既?!! 嗱, 又一實例證明kam唔係為左賺錢, 純粹係為興趣啦! 之後, 去到十二月, 其實我都好忙要搞結婚既野, 所以都無咩所謂, 諗住唔駛wedding前見kam啦! 佢真係好有記性架, 仲send email問我返左hk未! 最後, 我同左我一個姐妹見kam! 唔好意思, 又係d好夜既時間, 成十點幾, 仲要遲到成30mins. kam第二日仲要返工tim, 但佢一d都唔介意! 到結婚當日, 我本來講好左有break, 響香港公園解期架! 點知kam跟埋我地返酒店. 跟住, 我睇返d相先知佢o個段時間都幫我d兄弟姐妹影左好多相! 又怕低左一d video. 我都係琴日先發現. 事緣當晚班兄弟姐妹作左首歌, 跟住佢地當日趁我唔響殊就綵排同練歌. 呢d幕後既花絮都比kam紀錄左啦! 又早到, 又遲走, 仲要無break tim, 辛苦晒!

效率高
我擺酒後十一日就離開hk返us, 咁梗係想親手攞返d相返去啦! kam響十一日趕起比我, 厲害! 趕起之餘, 仲無交行貨架! 我仲要擺酒後去左honeymoon, 離港前一日先返hk. 一落飛機就收到kam既sms, 約我出黎比相我! 我之前無contact過佢架, 只係叫阿媽?am聯絡! 其實, 我都諗住攞唔到d相返美國架啦, 諗住托我屋企人過黎時先攞比我, 但kam都做到, 真係超讚! 謙虛有禮 我班姐妹係咁讚kam, 不斷話佢有禮貌, 態度認真!

收費合理
我覺得kam可以加價, 因為實在太物超所值啦!

總括而言, 一個字 --- 正!