聖誕禮物係 G-Shock

多謝晒, 重係我最愛的白藍色... 真知我心
呵~ 呵~ 呵~

preview F&J

近兩次的SNAP之後都好想立即出一兩張相引下D 好玩得又好NICE 的新人.
(我係咪有D 變態?! 哈!)

多謝"唔係好識分左右的F" 同 好喜歡同小朋友玩的 J.
: )

kamXchan 祝大家 merryXmas

呵~ 呵~ 呵~

這個就是我送給gf 的聖誕禮物... 雖然唔係乜野貴重野.... 但我花了很多時間去親手做的.

佢一打開時重以為街買回來的, 哈.

祝大家 merry X mas

呵~ 呵~ 呵~

Winnie & Kenneth

Winnie 同 Kenneth 係我朋友的同事, 之前我0地有gathering. 今次能夠幫手真係好開心0架, 因為始終幫朋友的心情係特別興奮的.

今次係第一次去四季酒店出發當然grand 到不得了啦, 間房大到有客廳tim, 哈. (真係小見多怪)
我覺得今次安排的location 非常正, 四季 -> 長洲 -> 大會堂美心, 一定有好多題材, 一定要好好把握至得.

當日行程很舒服, 只係入長洲的船程比較長, 但係入到長洲又可以影好多唔同的街景, 又真係幾正. 其實我自己都喜歡去多d 地方, 影多d 相, 反而如果下午無乜行程我重擔心唔夠多靚相送比一對新人, 今次就真係太多心水相(自己覺得,哈) 都唔知選哪幾張好, 睇0下下面d 相啦. 哈.

再次恭喜你地, 0黎緊新年利是唔少得我個份0架! 哈.

勁好玩的姐妹團, 哈

你估下佢係邊個...

答案係: Kenneth

型人兄弟

四季出門了!

"保時節" (SORRY 我唔係好識車, :)

出發去長洲

自然地, 步伐也是一樣的.

前景背景都有花

引下你地先

好高興能參與你們的婚禮, 真係全日都咁開心, 哈.
比兩張睇住先... 不過冇樣睇住, 哈.

Katy & Don

我原本以為Katy 同 Don 都係比較文靜人... 誰不知當我一見到班好玩得的姊妹時, 我知道我錯了... 姊妹們對唔住...哈!

佢不單止同新娘子好玩得之餘, 重準備0左好多好好玩的遊戲比Don同佢班好兄弟. D道具重整得好仔細, 我見到個好靚絲襪畫框, 就知道一定係超級無敵吹candle 玩, 個絲襪畫框真係好好手工0架! 後來才知道其中一個姊妹原來係"手工王", 唔怪得d 道具咁正啦.

真係唔知點解, 當日全部人都咁玩得, 就連standard photographer阿Jack都一樣, 搞到好似我好文靜咁, 不過做snap 係少d出聲為妙, 唔好阻住個流程.

阿Jack令我更了解同所有賓客溝通的重要性, 佢真係做得好出色, 後來上網見到佢原來以前好似做過MC, 佢真係好nice同好搞笑, 同jack合作真係好開心.

下午去Rosary Church 玫瑰堂行禮, 正忙中時, 突然發現dm 也在玫瑰堂外等下一場, 好開心見到佢, 佢係一個我最喜愛的婚禮攝影師, 遲d我都會找他幫幫手, 期待中... : )

一日內能遇到兩位咁正的攝影師, 真係好彩.
好開心.

另外, 我重見返POLY同學阿cherol, 真係好耐冇見, 而且重結了婚TIM, 哈. 真係幸福.
當晚繼續不停工作, 不過都有少少時間偷食, d 野真係好好味.

多謝Katy and Don's invitation.

PS: Don was so funny when drunk. ha.

這張是剪紙畫, 係"手工王"的傑作之一

這張有一點點中國風加西洋味, 幾特別

Rosary Church 好有情懷

新人都有得坐, 當然舒服d

katy 好型

姊妹們都好nice

新娘同姊妹們又靚又玩得, 連我都影到好開心, 哈.

當然, 兄弟們就更加不得了, So COOL

大家都用盡力去祝賀一對新人

Rita & Loo

通常我都會早d到0左女家, 一來我唔多識路, 就算行錯都大把時間行返正, 二來可以多d 時間同女家d 親戚朋友warm up 下先, 等佢地自然d, 因為始終多0左個陌生人...

Rita真係好活潑, 佢一化完妝就去幫手準備其他野, 在家中跑來跑去, 好像忘記了自己穿了褂一樣. 因為擔心佢會跌倒, 所以我同佢講"慢慢來, 有姊妹幫手, 你可以休息下"
哈, 講完, 我都覺得自己好好笑.

婚禮於真理堂舉行, 我覺得個堂好靚, 比較現代感d, 同d 好classic 的教堂又有另一種感覺. 我當然又係走來走去找最好的拍攝位置. 同standard photo & video 師傅傾下計, 原來佢地好似係Rita d 朋友, 能夠在朋友的大日子出點力都真係好開心, 但相對地會有另一種無型的壓力, 不過見佢地都好輕鬆面對. 我要再努力, 再努力d先得.

彩雲軒的上菜效率奇高, 可能賓客住得比較遠, 所以有此安排. 第一次十點五十五分可以開始回家去, 準備明天的工作.

花女正經時都好有文有路0架

阿花女真係好可愛, 又唔比我影但又成日在我面前出現, 真可愛.

這張相中的 Rita 好型

真理堂真係幾靚

步出教堂去酒樓了

唔知你地又記唔記得, 等待march in 的情境

the warmest moment